KU TAKRIFAL AWOOD XAFIISEED Dr ku wuxuu xoriyadda si sharci darro ah uga qaaday sagaal sarkaal oo ah hay'adaha amniga, Booliska iyo Nabad Sugidda isuga jira kuna eedeeyay inay ka dambeeyeen qaraxii ka dhacay SYL si ay ugu dilaan madaxweynaha dalka aan walaalaha nahay ee Turkiga eedeyn taasoo ku dambeysay in markhaatiyaal uu u keenay inay ku oogaan dambigaas ay ka cadeeyeen maxkamadda horteeda in xeer ilaaliyuhu laaluush siiyay inay ku furan markhaati beenaale saraakiishaas,

JAMHUURIYADDA FEDERAALKA SOOMAALIYA

XAFIISKA KU XIGEENKA XEERILAALIYAHA GUUD EE QARANKA

GOBOLKA SHABEELLAHA HOOSE

DEPUTY ATTORNEY GENERAL

  LOWER SHABELLE REGION

      REF: _305_/X/KX/X.G.Q./2015                        TR: 26/12 /2015

Ku: Guddiga Garsoorka Awqaafta iyo Diinta          =Muqdisho= 

Ku: Guddiga Maaliyadda iyo Qorsheynta                   =Muqdisho= 

Og: Hanti Dhowrka Guud ee Qaranka                     =Muqdisho=

Og: Wasaarada Cadaalada                                                         =Muqdisho=

Og: Maxkamadda Sare ee Dalka                        =Muqdisho=

Og: Xafiiska Ra’iisul Wasaaraha                     =Muqdisho=

Og: Golaha Adeegga Garsoorka                    =Muqdisho=

Og: Guddoomiyaha Golaha Shacabka                     =Muqdisho=

Og: Xafiiska Madaxweynaha         =Muqdisho=

UJEEDDO: DACWAD LID KU AH XEER ILAALIYAHA GUUD EE 

             QARANKA DR. AXMED CALI DAAHIR.

Madaxda sharafta leh ee warqaddani sida tooska iyo dadbanba ugu socoto waxaan la socodsiinayaa dhacdooyinkan la yaabka leh ee uu xeer ilaaliyuhu ku kacay.

Ku tumasho sharci .

Ku takri fal awood xafiiseed

Ku xad-gudub xuquuq shaqaale 

Been abuur Musuq Maasuq iyo Lunsasho Lacageed 

Dhacdooyinkan la yaabka leh oo uusan ka aamusi Karin qof leh damiir bani’aadanimo iyo mid wadaniyadeed oo igu kaliftay in aan qoro caddeymahan xaqiiqda ku saleysan ee lidka ku ah ujeedada sare ku xusan.

KU TUMASHO SHARCI.

Inkiraad Goloha adeegga garsoorka ee dasturiga ah kana mid  saddexda tiir ee ay dowladnimada Soomaaliya ku dhisan tahay   

Golaha addeega garsoorku wuu jiraa wuuna jiraya inta laga dhiso Gole  adeeg garsoor oo bedela, Golaha si uusan u imaan (Vacuum) Ama gaab, sida uu qabo dasturka qodobkiisa 109A, ee dastuurka Federaalka.

Wuxuu buriyey xukuno maxkamadeed oo uusan awood sharci u laheyn burintooda sida ku cad warqadaha lifaaqa.

KU TAKRIFAL AWOOD XAFIISEED

Dr ku  wuxuu xoriyadda si sharci darro ah uga qaaday sagaal sarkaal oo ah hay’adaha amniga, Booliska iyo Nabad Sugidda isuga jira kuna eedeeyay inay ka dambeeyeen qaraxii ka dhacay SYL si ay ugu dilaan madaxweynaha dalka aan walaalaha nahay ee Turkiga eedeyn taasoo ku dambeysay in markhaatiyaal uu u keenay inay ku oogaan dambigaas ay ka  cadeeyeen maxkamadda horteeda in xeer ilaaliyuhu laaluush siiyay inay ku furan markhaati beenaale saraakiishaas, 

wuxuu shaqada ka eryay shaqaale masaakiin ah oo mudo ka shaqeynayay xafiiska kuna shaqeynaye duruufo aad u  adag oo aan galin dambi  ay ku muteysten in laga eryo shaqada kana hor imanaya sida uu qabo xerka shaqalaha rayidka ee dowlada  soona  baxay 2006 baydhabo ,

 wuxuu si sharci darro ah xasaanada  uga qaaday guddoomiyaha Degmada xamar weyne,agaasimaha guud ee Wasaaradda xuquuqul Insaanka iyo Taliyaha Saldhigga Booliska Baraawe,dhammaan mas’uuliyiintaas ka dib markii lagu waayay wax fal dambiyeed ah. taas oo cadeyneyso inuu adeegsanayo awoodiisa xeer ilaaliyenimo, isagoo u aabe yeeleyn sharciga, xasaanada xuquuq qul  insaanka iyo  in uusan garaneynin shaqadiisa xeer ilaaliyenimo ee loo igmaday.

Musuq-maasuq,Lunsasho qarashaadka xafiiska iyo gunnooyinka shaqaalaha, xeer ilaaliyaha wuxuu lunsaday qarashaadka loogu talo galay in lagu socodsiiyo howlaha xafiiska laga bilaabo maalintii la soo magacaabay oo ay miisaaniyadda xafiisku aheyd bishiiba $7,400 oo running cost, January 2015 waxaa laga dhigay $25,000 Bishiiba oo aanan war ka heyn meesha uu marsiiyo.

 wuxuu ka lunsaday 18-xeer ilaaliye k/xigeen oo shaqada ku cusub gunnooyinkooda laga bilaabo January ilaa August 2015  oo ah bishiiba   $400 

qofkiiba iyo 2-bilood  mushaarkood oo ay bishiiba tahay qofkasta $700 Wadarta guudna waa $82,800.

Laga bilaabo bishii 6 -2014 wuxuu lunsaday   kharashaad ka xafiiska (running cost) oo ah $7400 bishiiba ilaa  December 2014 oo wadarta guud $7,400x6 = $44,400.

   January 2015 wuxuu isku badalay kharashaad ka xafiisku  $25,000 bishiiba ilaa August 2015 wadarta guudna waa $25,000 x 8-bilood=$200,000.

Wadarta guud ee xisaabaad ka  uu lunsaday xeer ilaaliyuhu marka laysku daro waa =                  $82,800,

                                                     $44,400.

                                                    $200,000.

                             Total: $327,200

Been abuur iyo ku xad gudub sharci, 

Dr Ahmed Ali Dahir wuxuu been abuur ku sameeyay saxiixeyga aan gaarka u leeyahay kuna qaatay mushaarkeygii 2-bilood oo kala ah:- Bishii 6-aad iyo bishii 7-aad 2014 illaa uu igu kalifay markii dambe inaan amar ku bixiyo hay’adda hoggaanka baarista dambiyada CID warqad lifaaq sumadeedu tahay.

wuxuu iga qoray warqado aad u tiro badan oo ku dhaawacayo xasaanadeyda, sharafteyda iyo xilkeygaba oo uusan awood sharci u laheyn in  uu iga qoro warqadahaas eg  lifaaqan. 

FIIRO GAAR AH:

Mudanayaal iyo marwooyin markaan dib u fiirino taariikh nololeedka  xeer ilaaliyaha waxaa caddaanaysa inuu yahay nin hadal macaan dadka hortoodana ku ooya si uu u helo kalsoonidooda inuu kaga faa’iideysto kalsoonida ay dadka u hayaan, 

wuxuu ka soo shaqeeyay garsoorka kalilka shanaad ee itoobiya oo uu ka soo dhacay lacagtii garsoorka loogu adeegayay oo uu ula baxsaday dalka Kenya kadibn ka iibsaday sponser kuna galay dalka mareykanka gaar ahaan gobolka Washington settla,oo uu imam ka noqday mowlaca ku yaala isla gobolkaas oo uu ka istaagay maalin ka mid ah  maalmaha oo uu dadka ku baraarujiyay in la dhiso masjid isagoo sidii lagu yaqiin aad u ooyay gilgilayna quluubta muslimiinta degan Washington settla lalana qaatay baaqaas ka dibna guddi dhaqaale aruurin oo ay iska qabteen ku guuleystay inay ku wareejiyaan Dr. Axmed Cali Daahir lacag dhan $180,000 (Boqol iyo sideetan kun dollar) oo uu la baxsaday lacagtaas loogu talo galay inlagu dhiso  masjid kadibna lunsaday ulana baxsaday  gobolka Arizona oo uu kuna iibsaday  Taxi Plate.

GUN GAAR.

Mudanayaasha iyo marwooyinka ay warqaddani sida tooska ah ugu iyo dadbanba ugu socoto , waxaan u caddeynayaa waxa igu kalifay inaan qoro dacwadaan intii yareyd ee aan wada shaqeynaynay Dr ka eedeymaha caddeymaha wada leh ee aan kor ku soo xusay iyo kuwo kale oo badan oo aan ku koobi Karin dacwadaan oo aan damiirkeyga ku heyn waayay, sidaas darteed waxaan soo jeedinayaa dhammaan mas’uuliyiinta iyo xafiisyada ay sida tooska ah iyo dadbanba  ugu socoto inaan lagu fiirsan shakhsigaan ku sifoobay dhammaan eedeymaha kor ku xusan iyo kuwo kale oo aan ka xishooday inaan ku muujiyo dacwadeyda, xafiiskaan waa hal- bowlaha Garsoorka Umadda Soomaaliyeed oo ah meesha ay ka soo bilaab meyso cadaaladda in laga qaado dhammaan hantida uu ku musuq-maasuqay xafiiska iyo gunnooyinka iyo mushaaradka shaqaalaha iyo in la horgeeyo sharciga si loola xisaabtamo, sharciga ayaa ka sarreeya cid walba.     

Dr. Mukhtar Nur Abukar

Ku-xigeenka Xeer Ilaaliyaha Guud ee Qaranka